كل حاجه عن ال inbody analysis
واللي مش قادر يفهم يبعتلي وانا اقله انت محتاج ايه
ليه المفروض قبل ما تتجه للرياضه وتبتدي وخصوصا لو هدفك نزول وزن انك تعمل inbody analysis

🔴➖ أولا هو الخيط اللي هتبدا بيه مشوارك عشان تعرف انت ماشي صح ولا لا وكل اسبوعين او 21 يوم تعمله تاني وتقارن نتايجك

🔴➖ من خلال ال inbody هتقدر تعرف نسبه الدهون في جسمك كام نسبه المياه اللي ف جسمك نسبه العضلات والعظام …. إلخ

🔴➖ عرفت نسبك إيه تبتدي بقا تحدد هدفك اه نسبه دهوني كبيره لا انا محتاج كده اعمل مجهود وخصوصا كارديو واجري كل يوم او كل اسبوع مره حتي عشان ننزل الدهون ده ودايت صحي محسوب

🔴➖ نسبه المياه زايده عندي تمام ابتدي اقلل ملح الطعام من اكلي واشرب مياه كتير واعمل قد كوبايتين تلاته شاي اخضر

🔴 ➖ نسبه العضلات مش قوي وف نفس الوقت هعمل كارديو كتير وعايز احافظ انها متنزلش بالعكس تزيد تدخل نسبه بروتين كويسه في اكلك وخصوصا من البيض والأسماك واللحوم الحمرا الصافيه ويا سلام لو واي بروتين او bcaa يظبط شويه وانت بتخسس انه يزود نسبه العضلات وتحافظ علي عضلاتك اثناء نزول الوزن

🔴➖ من الحاجات الكوميديه اللي ممكن تقابل حد في موضوع قراءه ال inbody يلاقي مثلا نسبه دهونه كمثال 22% ومكتوب ف ال inbody النسبه الطبيعه للدهون من 23 الي 30 مثلا وده موقف حصل حقيقي يقوم عايز يزود نسبه دهونه عشان توصل للحد الطبيعي المكتوب ف ال inbody 😂😂 متهزرش موضوع الحد الطبيعي مش إلزامي الصحي اصلا ان نسبه دهونك تقل عن الطبيعي ونسبه العضلات تزيد

ايه هو ال inbody

🔴 هو جهاز بيقيس مكونات الجسم من دهون و مياة و عضلات

🔴 بيشتغل عن طريق ايه

هو جهاز كهربي متعدد الاقطاب بيمر تيار كهربي صغير ف الجسم عن طريق 8 أقطاب ( قطبين باليد و قطبين بالقدم ) ويطلعلي تقرير بكمية الدهون و المياة و العضلات اللي ف الجسم بناءا على مقاومة الجسم الداخلية اللي بيقسها .

🔴طيب اعمل ايه قبل ما اعمل inbody 🔴

المعدة فاضية
يبقي بعد الحمام
نقف ع رجلينا كدة خمس دقايق قبل القياس لان وضع الجلوس أو النوم بيغيروا من توزيع المياه ف الجسم
بلاش تمرين قبله
يبقي كل قياس ف نفس الظروف اللي القياسات اللي قبله لبس وقت وهكذا
👩👧البنات بلاش ف وقت البيريود عشان زيادة احتباس السوائل

🔴 مصطلحات الجهاز
Weight
وده الوزن الكلي للجسم بالكيلو جرام

Skeletal Muscle Mass

دى وزن عضلات الجسم بالكيلو جرام او (SMM)

Body Fat Mass

و هو وزن الدهون ف الجسم بالكيلو جرام.

Total body water (TBW)

ودى وزن المياه ف الجسم ودى بتبقي
60% من وزننا مياه
ولو قسمنا وزن المياه ع وزن الجسم هتطلع النسبة

Protein

ودى كمية البروتين داخل خلايا الجسم و 15% من وزن الشخص بيكون من البروتين

Fat Free Mass ( FFM )

و هو وزن الكتلة اللادهنية أو ما يسمى بال LBM وده بيساوي (وزن الجسم – وزن الدهون)

Minerals

وده مؤشر لصحة والعظام وجهاز ال DEXA سكان افضل من جهاز ال inbody ف قياسها

BMI Body Mass Index

مؤشر كتلة الجسم وهو وزن الجسم مقسوم على مربع الطول بالمتر.

PBF Percent Body Fat

و هي نسبة الدهون ف الجسم وممكن نحسبها عن طريق قسمة وزن الدهون على وزن الجسم الكلي.

WHR ( Waist-Hip Ratio )

وهي النسبة اللي مابين محيط الخصر و الحوض وبيعتمد فيها الجهاز عتوزيع الدهون بالبطن والأرداف لأنه مش بيستخدم متر القياس.

BMR

وهو معدل الأيض الأساسي

Nutritional Evaluation

ده ملخص للحالة سواء كانت القياسات بتاعته طبيعية او قليلة أو عالية .

Muscle Control

وهي كمية العضلات اللي المفروض تزيد لو كانت محتاجة زيادة
Fat Control

وهي كمية الدهون اللي المفروض تنزل أو تقل

Fitness score

وده التقيم النهائي للحالة لو اقل عن 70ضعيف او تخييين وعاوز يتظبط بقي تمرين ودايت
من 70 : 90 طبيعي
أعلى من 90 ممتاز

🔴➖ اخر حاجه بخصوص ال inbody وخصوصا للناس اللي بتخس يكون بيتمرن وماشي ع دايت مظبوط وفعلا شكل جسمه يتغير بس ع الميزان لا يضايق ويحس انه مش بيعمل حاجه او الدايت منفعش لا طبعا انت ماشي صح كب الموضوع ان خساره الدهون بتكون أسبوعيا من نص كيلو ل اتنين حسب الجينات والحرق والالتزام ف الدايت والرياضه ولو ماشي صح جدا بيكون معاها زياده ف العضلات ف تلاقي الميزان ثابت او نزول ضعيف مش معناه خالص انك ماشي غلط